12 Mart 2019-cu il tarixində Qazax Sement Zavodu MMC Bərdə rayonunun usta və satıcıları ilə görüş keçirdi. Tədbirdə ümumi rayon üzrə 120 nəfərədək qonaq iştirak edirdi. Zavodda çalışan əməkdaşlar və alman mütəxəssislər tərəfindən iştirakçılara zavodun istehsalat prosesi, məhsuldarlığı, məhsulların keyfiyyət göstəriciləri, istehsal, satış və digər sahələrdə əldə olunan nailiyyətlər, pərakəndə satış bazarında Novruz bayramı ilə əlaqədar planlaşdırılan kampaniyalar barədə məlumatlar verdilər. Tədbirdə ustalarla alman mütəxəssisləri sementin istifadəsi və tətbiqi sahələri, beton və beton məmulatların hazırlanması texnologiyası ilə bağlı geniş müzakirələr aparmışdır.
Tədbirdə eyni zamanda iştirakçılara müxtəlif dəyərli hədiyyələr də təqdim olunmuşdur. Qazax Sement Zavodu MMC bu tədbirləri Respublikanın digər regionlarında da keçirməyi planlaşdırır.
